ბლოგი შინაარსობრივად მრავალფეროვანია .სარჩევში მოცემულია ჩემი პედაგოგიური საქმიანობის ყველა ის მიმართულება ,რომელიც მნიშვნელოვანია როგორც საგნობრივი ცოდნის გაღრმავებისათვის,ასევე სწავლების მეთოდოლოგიისა და მიდგომების დახვეწისათვის. ვინაიდან სქემის შექმნის დღიდან აქტიურად ვარ ჩართული მის განხორციელებაში ,ამიტომ მიწევს მრავალი სხვადასხვა აქტივობის განხორციელება ,რომელთა დამადასტურებელი მასალა აუცილებლად აიტვირთება ჩემს ბლოგზე.აქ დაინტერესებულ პედაგოგებს შეუძლიათ იხილონ გაკვეთილების გეგმები , თემატურ-კალენდარული გეგმები, პრეზენტაციები, რესურსები როგორც ჩემს მიერ შექმნილი ,ასევე მოსწავლეთა მიერ გაკეთებული.ვინაიდან აქტიურად ვთანამშრომლობ კოლეგებთან ,ბლოგზე ნახავთ ჩემ მიერ ორგანიზებულ შეხვედრებს კოლეგებთან მათთვის საინტერესო თემებზე, რომლებიც ეხება უშუალოდ საგანსა და ასევე სწავლა/სწავლების მეთოდოლოგიას.საწრეო და საკლუბო მუშაობა დუღს სკოლაში ,მეც აქტიურად ვარ ჩაბმული ამ აქტივობებში და სამუშაო პროგრამებს ასევე სხვადასხვა განხორციელებული აქტივობების დამადასტურებელ მასალებს იპოვით ბმულებზე საწრეო და საკლუბო მუშაობა.
მიმაჩნია,რომ ბლოგი კარგად მაქვს ორგანიზებული : მთავარ გვერდზე განთავსებულია ინფორმაცია ჩემს შესახებ, განათლების სამინისტროს ლოგო,პირდაპირ ბლოგიდა შეიძლება მასზე გადასვლა და საჭირო ინფორმაციის მოძიება. ასევე აქვეა იუთუბის ლოგო, თარჯიმანი, ბლოგის სტუმარი .ბლოგს აქვს სარჩევი და ბმულების საშუალებით შეიძლება გადასვლა თქვენთვის საინტერესო გვედზე. ხშირად შევდივარ და ვათვალიერებ სტატისტიკურ მონაცემებს და მიხარია ,რომ ჩემს ბლოგს ნახულობენ არა მარტო საქართველოში,არამედ რუსეთში, ამერიკაში , ისრაელში ,ინდოეთსა და მსოფლიოს სხვა ქვეყნებში . ჩემთვის ძალიან მნიშვნელოვანია ,რომ ბლოგის სტუმრებმა მომაწოდონ უკუკავშირი,რათა გავაუმჯობესო ჩემი მუშაობა.
